Дэргэдүүр шувуу өнгөрөхөд л мөрөн дээр ирвэгнэдэг Дээр , нэгэ цагт би нисдэг байсан Дэргэдүүр салхи шуртхийхэд хөл минь өвддөг Дээхнэ дээ , би навч байсан Улаан , улаан судалтай , шүүслэг ногоохон амь Ургах бүрийдээ би хаврыг магтдаг байсан Унах бүрийдээ би намрыг дуулдаг байсан Унан , унан ургадаг тэмүүлэл байсан Өгөөмөр бурхан бийрээ шар гэрэлд дүрээд Өөрийн минь дээр шүлэг бичдэг байсан Тэгээд л би яруу найрагч төрсөн Тэсгим өвлийг сөрөхийн тулд Тэнгэрийн цасыг үнэрлэхийн тулд хүн болсон.